Föstudagsfrétt

Komiði sæl, í þessari viku vorum við að læra hljóðið mjúka g. Í byrjun vikunnar fórum við ekki mikið út vegna veðurs svo að inniveran var nýtt vel. Krakkarnir voru duglegir við að finna sér efnivið til að búa til skemmtilega og fjölbreytta leiki saman.

Á miðvikudaginn fóru nokkrir frá okkur í strætó niður á bókasafnið að hlusta á sögulestur og stóðu sig mjög vel í þeirri ferð.

Á fimmtudaginn komu til okkar tveir tannálfar, þau Tinna og Tryggvi, í tilefni af Tannverndarvikunni. Þau voru með smá fræðslu um tannheilsu, hvað er gott að borða og hvað ekki, og hvernig á að hreinsa tennurnar vel og vandlega. Síðan sungum við saman og dönsuðum.

Í morgun, föstudag, var föstudagspartý inni í hreyfisal. Þar komu Lóa og Spói saman og dönsuðu við skemmtilega tónlist. Eftir hádegi, í tilefni af Mottumars, fengu krakkarnir að fara inn í listasmiðju og föndra sitt eigið skegg sem þau taka síðan með sér heim í lok dags.

Takk kærlega fyrir frábæra viku og við vonum að þið njótið helgarinnar.