Heilsuleikskólinn Skógarás hefur gefið út nýja skólanámskrá sem gildir fyrir árin 2026–2030. Námskráin er fjórða útgáfa skólans og endurspeglar metnaðarfullt og faglegt starf sem byggir á Aðalnámskrá leikskóla, menntastefnu Reykjanesbæjar og heilsueflandi áherslum skólans.
Við endurskoðun námskrárinnar var lögð rík áhersla á leik, vellíðan, heildrænan þroska barna og gott samstarf við foreldra. Starfsfólk leikskólans, foreldrar og börn tóku virkan þátt í mótun hennar og eru sjónarmið þeirra sýnileg víða í námskránni.
Skólanámskráin er nú aðgengileg á heimasíðu skólans.
