Nýlega voru birtar niðurstöður foreldrakönnunar sem lögð var fyrir foreldra barna í leikskólanum. Við viljum þakka foreldrum kærlega fyrir góða þátttöku og þau dýrmætu sjónarmið sem komu fram í könnuninni. Svör foreldra eru mikilvægur þáttur í innra mati leikskólans og nýtast til að styrkja og þróa starfsemina.
Niðurstöður könnunarinnar sýna að foreldrar eru almennt mjög ánægðir með starf leikskólans. Sérstaklega kemur fram ánægja með vellíðan barna í leikskólanum, faglegt og umhyggjusamt starfsfólk og góð samskipti við foreldra.
Foreldrar nefna einnig að börnin þeirra njóti öryggis og vellíðunar í daglegu starfi og að samstarf við starfsfólk sé gott. Þá er mjög mikil ánægja með mataræði leikskólans og áherslu á heilsueflandi starf.
Í opnum svörum foreldra komu fram gagnlegar ábendingar sem nýttar verða í áframhaldandi þróun starfsins. Þar má meðal annars nefna óskir um aukna upplýsingamiðlun um daglegt starf og verkefni barna, auk þess sem foreldrar nefndu að gera mætti nám og leik barna enn sýnilegri fyrir heimilunum.
Niðurstöður foreldrakönnunarinnar verða nýttar í áframhaldandi umbóta á starfi leikskólans. Áhersla verður meðal annars lögð á að efla upplýsingamiðlun til foreldra, gera verkefni barna sýnilegri og viðhalda áfram góðu samstarfi milli heimilis og leikskóla.
Við þökkum foreldrum enn og aftur fyrir þátttökuna og gott samstarf. Með sameiginlegu átaki getum við haldið áfram að skapa börnunum öruggt og gott umhverfi til leikja og náms.
