Gjöf frá foreldrafélaginu: Mini holukubbar
18. 08. 2020
Nú í upphafi skólaársins fengum við afhent gjöf frá foreldrafélaginu. Gjöfin var tvö sett af mini holukubbum sem eru sérstaklega hugsuð fyrir yngstu börnin sem eru að feta sín fyrstu fótspor í byggingaleiknum.
Í bygginaleik reynir á samhæfingu augna og handa, einnig eykur hann félags- og málþroska barna. Þar reynir á hugtakaskilning barna á fjölda, magni, stærð og þyngd, og sú þekkingin sem börnin öðlast í gegnum leikin er því mjög fjölbreytt.
Við, kennarar, starfsfólk og nemendur, erum rosalega ángæð með þessa viðbót í námsefnið okkar og viljum þakka foreldrafélaginu innilega fyrir þessa gjöf.