Föstudagsfrétt
05. 01. 2024
Komiði sæl og velkomin aftur á leikskólann. Allir mættu hressir og kátir á miðvikudaginn eftir jólafrí og höfðu fjöldan allan af sögum að segja frá. Við nýttum þessa stuttu viku í að rifja upp efnið sem við lærðum fyrir jólafrí og byrjum svo á nýju efni eftir helgi.
Annars hefur vikan verið mjög róleg og notaleg. Í dag, föstudag, var hattadagur þar sem allir komu með hatt, húfu eða einhvers konar höfuðfat í leikskólann. Þeir voru svo sannarlega fjölbreyttir. Síðan fórum við í hreyfisalinn á hattaball með hinum deildunum og skemmtum okkur konunglega.
Takk fyrir vikuna og sjáumst hress á mánudaginn.