Föstudagsfrétt

Komiði sæl. Á mánudaginn kláruðum við að fara yfir hvað allir eiga að vera í leikritinu og búninga og leikmuni og næst á dagskrá er að byrja æfingar.

Á þriðjudaginn átti skólahópurinn að fara með strætó uppí Háaleiti en strætóinn var svo fullur að við komumst ekki. Í staðinn fórum við öll saman í ruslatínsluferð í nágreninu. Krakkarnir stóðu sig mjög vel og við fylltum allavega tvo poka af rusli. Þegar búið var að henda því í ruslatunnuna enduðum við ferðina á hoppubelgnum og krakkarnir skemmtu sér konungslega.

Fyrir nónhressingu tókum við fyrstu leikritsæfinguna og það gekk rosalega vel.

Við tókum aftur æfingu á miðvikudaginn, fimmtudaginn og í da (föstudag) og svo var aukalega tekin æfing á söngnum sem fer fram í leikritinu.

Takk fyrir vikuna og góða helgi.