Leikskólinn er opinn virka daga frá kl. 7:45–16:15.

Leikskólinn lokar í 6 virka daga yfir skólaárið vegna skipulagsdaga og auk þess 2 klst. til viðbótar vegna starfsmannafunda.

Lokað er í fimm vikur yfir sumartímann vegna sumarleyfa.

Lokað er á öllum opinberum hátíðisdögum og dagana frá og með aðfangadegi til og með nýársdegi.

Vetrar- og páskafrí

Skráningardagar eru samtals 7 yfir skólaárið:
• 2 dagar í vetrarfríi að hausti,
• 2 dagar í vetrarfríi á vorönn,
• 3 dagar í dymbilviku (vikunni fyrir páska).

Á þessum dögum þurfa foreldrar að skrá börnin sérstaklega með fjögurra vikna fyrirvara, fyrir þau börn sem þurfa á þjónustu leikskólans að halda.
Skráning fer fram með því að svara tölvupósti frá leikskólanum.

Börn sem eru í fríi á skráningardögum greiða ekki dvalargjald.
Fyrir þau börn sem mæta er greitt samkvæmt gjaldskrá Reykjanesbæjar.

Í bæjarfélaginu eru 1–3 leikskólar opnir á skráningardögum og taka á móti þeim börnum sem eru skráð til dvalar.

Upplýsingar um þessa daga er að finna í skóladagatali leikskólans á heimasíðunni.