Hreyfing í Skógarási

Hreyfing í Heilsuleikskólanum Skógarási er ein af áherslum Heilsustefnu Unnar Stefánsdóttir sem skólinn starfar eftir.

Hreyf­i­stund­ir í sal ­leik­skól­an­s eru skipu­lagðar og eru í um­sjá íþróttakennara, tvisvar í viku fyr­ir hvert barn. Auk þess fara börn sem þurfa á aukaþjálfun að halda vegna ýmissa frávika, tvisvar í viku. Til viðbót­ar hef­ur hvert barn aðgang að sal með sín­um kenn­ara þegar aðstæður leyfa.

Hreyfing yngstu barna er sett þannig upp að umhverfið hvetji þau í sjálf­sprottinn leik og þannig fái þau ákveðið frelsi í ör­uggu um­hverfi til að skríða, príla og velt­ast um, rann­saka og æfa sig á sínum forsendum og hraða.

Þau eru flest vön að ganga/skríða um á sléttu undirlagi og því er nauðsynlegt að þjálfa þau í að ganga/skríða á misháu og misjöfnu undirlagi. Þannig eykst sam­hæf­ing, jafnvægi og styrkur barnsins sem leiðir það til frekari áskorana.

Þegar þau verða eldri 3 – 6 ára, þá eru hreyf­i­stund­irnar skipulagðar og þar gefst tæki­færi til að meta stöðu ein­stakra barna og ýta und­ir frek­ari þroska og hæfni þar sem það á við. Skipu­lagðar hreyf­i­stund­ir með ákveðnum markmiðum eru vett­vang­ur fyrir hinn fullorðna til að skapa um­hverfi og aðstæður sem laða fram ýmsa hæfileika barns­ins sem ann­ars kæmu ef til vill ekki upp á yf­ir­borðið.

Heilsuleikskólinn Skógarás hefur unnið eftir þjálfunar – og leikjaáætlun sem heitir YAP eða Young athlete program. YAP – er verkefni á vegum alþjóðasamtaka Special Olympics, sem hefur að markmiði að efla hreyfiþjálfun og bæta hreyfifærni barna með sérþarfir. Sérstök áhersla er lögð á gildi snemmtækrar íhlutunar.

Frá árinu 2015 er fyrst var byrjað að vinna eftir áætluninni, þá hefur efnið verið aðlagað að hreyfistundum í leikskóla og efnið notað fyrir öll börn leikskólans. Hægt er að kynna sér YAP með þessum tengli: https://resources.specialolympics.org/sports-essentials/young-athletes