Opnunartími og dvalartími

Leikskólinn er opinn frá kl. 7:45 og lokar kl. 16:15.
Mikilvægt er að virða skráðan dvalartíma barna, þar sem mönnun starfsfólks er skipulögð út frá þeim.

Ef barn er skráð til kl. 16:15 bera foreldrar ábyrgð á að sækja barnið sitt og eigur þess áður en skólinn lokar, þannig að dvalartíminn sé virtur í heild.

Aukagjald vegna umframvistunar

Ef barn dvelur í leikskólanum umfram umsaminn dvalartíma er innheimt aukagjald.

Dvalarsamningar

Við upphaf leikskóladvalar skrifa foreldrar undir dvalarsamning sem tilgreinir m.a.:

• skráðan dvalartíma barns,
• skuldbindingar beggja aðila,
• og önnur hagnýt atriði leikskóladvalar.

Starfsfólk er ráðið inn í samræmi við skráða dvalartíma barna og því er mikilvægt að foreldrar kynni sér efni samningsins vel.

Aðlögun

Að byrja í leikskóla er ný og mikilvæg reynsla fyrir barn og foreldra.
Við leggjum áherslu á:

• hlýlegt og rólegt upphaf,
• örugg tengsl við starfsfólk,
• og að barnið fái tíma til að kynnast umhverfi, barnahóp og starfsemi.

Foreldrar eru hvattir til að taka virkan þátt í fyrstu skrefum leikskólagöngunnar.
Vel heppnuð aðlögun skapar sterkari grunn fyrir framtíðina.

Að koma og fara

Foreldrar skulu fylgja barni inn á sína deild og afhenda starfsmanni.
Við brottför þarf ávallt að láta starfsmann vita áður en farið er.

Samkvæmt tilskipun Menntasviðs Reykjanesbæjar er börnum undir 12 ára aldri ekki heimilt að koma með eða sækja börn í leikskólann.

Börn eru hvött til að mæta á réttum tíma.
Æskilegt er að börn sem ætla að mæta séu komin fyrir hádegismat, bæði vegna dagskipulags og vellíðanar þeirra.

Foreldrasamstarf

Gott samstarf foreldra og leikskóla er forsenda fyrir vellíðan barnsins.
Samstarfið byggir á:

• gagnkvæmri virðingu,
• opnum og skýrum samskiptum,
• trausti og samstarfi um hag barnsins.

Foreldrar eru alltaf velkomnir að dvelja á deildum og taka þátt í starfinu.
Í forstofum eru upplýsingaskjáir þar sem helstu daglegar upplýsingar eru birtar.

Ofnæmi eða óþol

Ef barn má ekki neyta tiltekinna matvæla þurfa foreldrar að skila inn lækningavottorði.
Vottorð þarf að endurnýja árlega að hausti.

Leikföng að heiman

Ekki er æskilegt að börn komi með leikföng að heiman.
Undantekningar:

• bangsa eða tuskudýr á aðlögunartíma,
• bækur sem öll börnin geta notið.

Leikskólinn getur ekki borið ábyrgð á hlutum sem koma að heiman og kunna að skemmast eða týnast.

Afmæli

Afmæli eru haldin í leikskólanum með:

• gerð afmælis­kórónu,
• afmælissöng í samveru,
• vali barns á afmælisdisk fyrir máltíðir dagsins.

Veitingar að heiman eru ekki leyfðar.

Skipulagsdagar og starfsmannafundir

Leikskólinn lokar í 6 virka daga yfir skólaárið vegna skipulagsdaga og er með tvær klukkustundir á ári vegna starfsmannafunda.
Dagarnir eru skráðir í skóladagatalið á haustin og auglýstir með góðum fyrirvara.

Dvalargjöld

• Dvalargjöld eru greidd fyrirfram, einn mánuð í senn.
• Gjöld lækka ekki þó barn sé fjarverandi.
• Ef foreldrar skulda gjöld í tvo mánuði getur leikskólinn sagt upp dvöl barnsins.

Uppsagnir og breytingar á vistunartíma

Uppsagnarfrestur er einn mánuður, miðað við 1. dag mánaðarins.
Breytingar á vistunartíma eru sóttar á vala.is og þurfa samþykki skólastjóra. Umsóknir um breytingar miðast líka við eins mánaðar fyrirvara og 1.dag mánaðar.

Starfsfólk leikskólans

• Skólastjórnendur bera ábyrgð á rekstri og faglegu starfi skólans.
• Deildarstjórar bera ábyrgð á daglegu starfi, barnahóp og foreldrasamstarfi á sinni deild.
• Kennarar starfa með deildarstjóra að leik, námi og þroska barna.
• Fagstjórar sjá um kennslu í hreyfingu og sköpun.
• Sérkennslustjóri skipuleggur og fylgir eftir sérkennslu í samráði við stjórnendur.
• ÍSAT verkefnastjóri skipuleggur og fylgir eftir verkefnum sem styðja við íslensku sem annað mál í samráði við stjórnendur.
• Matráður og eldhússtarfsfólk sér um matargerð og fylgir næringarstefnu Heilsuleikskóla.

Allt starfsfólk leikskólans er bundið þagnarskyldu, og trúnaður helst jafnvel þegar starfsmaður lætur af störfum.