Jóladans
18. 12. 2023
Skemmtileg uppákoma var hjá okkur í dag þegar við settum út þetta dáasamlega jólatré sem börnin í Skógarási gerðu úr endurnýtanlegum efniviði og skreyttu með málningu og jólaljósum.
Við sungum saman nokkur jólalög og dönsuðum í kringum tréð og síðan kom jólaálfur með mandarínur handa okkur við góðar undirtektir barna.
Í hádeginu fáum við síðan jólakræsingar að hætti Önnu og Innu í eldhúsinu, hangikjöt og meðlæti.
Jólin eru svo skemmtilegur tími, hátíð ljóss og friðar. Njótum samveru og gleðistunda saman.