Kæru foreldrar, nú er tannverndarvikan gengin í garð.
Í þessari viku munum leggja meiri áherslu á vitundarvakningu um tannheilsu barna en meira er um tannskemmdir meðal íslenskra barna en sambærilegra hópa í nágrannalöndunum.
Við munum ræða um góðar venjur varðandi mataræði og munnhirðu bæði heima og í leikskólanum. Mikilvægt er að börnin læri að þeim líður vel með hreinar og heilbrigðar tennur.
Almennar ráðleggingar mæla með tannburstun að lágmarki tvisvar á dag, eftir morgunverð og mjög vel áður en farið er að sofa á kvöldin. Foreldrar gegna lykilhlutverki í tannhirðu barna sinna en samvinna heimila og leikskóla getur stuðlað að enn betri tannheilsu barna og þar með að betri tannheilsu síðar á ævinni.
Einnig viljum við minna á að tannlæknaþjónusta fyrir börn yngri en 18. ára er gjaldfrjáls og greidd niður af Sjúkratryggingum Íslands. Aðeins þarf að borga komugjald einu sinni á 12 mánaða fresti og er það 2500 kr.
Landlæknir hefur tekið saman og gefið út bæklinga um tannvernd barna á íslensku, ensku og pólsku. Einnig hafa verið útbúin stutt myndbönd, á sömu tungumálum