Föstudagsfrétt
05. 02. 2021
Kk er stafurinn sem Lubbi hefur verið að kenna krökkunum alla vikuna.
Veðrið hefur verið fínt þó það hefur verið kalt en við gátum nýtt veðrið í göngutúra.
2015 árgangurinn fór í Reykjaneshöllina á smá fótboltaæfingu og það fannst þeim mjög gaman. Þetta er í þriðja skiptið sem farið er í þessa ferð og eru krakkarnir alltaf jafn spenntir.
Við höfum fengið að nota hreyfisalinn nokkuð frjálst alla vikuna svo það er búið að djöflast mikið þar.
Þegar fámennt var á deildinni var nýtt tímann í að leika leikritið Gullbrá og birnirnir þrír og það fannst krökkunum gaman.
Einnig héldum við uppá stærðfræðidaginn og dag leikskólans. Settar voru upp stærðfræðistöðvar á Spóa og Lóu.